قۆڵبه ستی کوردانی بناری شاهۆ به رده وامه

ژماره‌یه‌ک له‌ هاوڵاتیانی کوردی دانیشتوی گۆنده‌کانی ده‌ورووبه‌ری شاخی شاهۆ له‌ لایه‌نی هێزه‌کانی سوپای پاسدارانی ئێرانه‌وه‌ ده‌ستگیر کران.

به‌گوێره‌ی ماڵپه‌ری مافی مرۆڤ، دوای ئه‌وه‌ی له‌ماوه‌ی چه‌ند رۆژی رابردو ناوچه‌ سنووریه‌کانی نزیک شاهۆ و سۆزدان به‌ چڕی له‌لایه‌ن هێزه‌کانی سوپای پاسدارانی ئێرانه‌وه‌ تۆپباران کرا، ئه‌و هێزانه‌ هێرشیان کردووته‌ سه‌ر دانیشتوانی گۆنده‌کانی ئه‌و ناوچه‌یه‌ و به‌ بێ ئه‌وه‌ی بڕیاری دادگایان پێبێت چۆنه‌ته‌ ناوماڵه‌کانه‌وه‌ و ژماره‌یه‌ک له‌ هاوڵاتیانیان ناوچه‌که‌یان ده‌ستگیر کردووه.‌

هێشتا هیچ جۆره‌ زانیاریه‌ک سه‌باره‌ت به‌ چاره‌نووسی گیراوه‌کان و هۆکاری ده‌ستگیرکردنیان دیار نییه.‌