کاکه‌ باوه‌ له‌سه‌ر داخستنی DTP‌ نامه‌یه‌ک ده‌داته‌ وه‌زیری سوید

    ئامینه‌ کاکه‌ باوه‌ ئه‌ندام په‌رله‌مانی سوێد و چاودێری کوردۆساید ، له‌ سه‌ر داخستنی پارتی کۆمه‌لگای دیموکراتیک نامه‌یه‌ک ئاراسته‌ی وه‌زیری ده‌ره‌وه‌ی سوێد ده‌کات .
له‌نامه‌که‌داکاکه‌ باوه‌ ئاماژه‌ به‌وه‌ ده‌کات هه‌ردوای سه‌رکه‌وتنه‌کانی پارتی کۆمه‌لگای دیموکراتیک له‌ زۆرینه‌ی شارو شارۆچکه کوردنشینه‌کان ، حکومه‌تی تورکیا بۆ ترساندن و پێش گرتنی ئه‌م پارته‌ ده‌ستی به‌گرتنی ئه‌ندام و هه‌وادارانی کرد ، که‌له‌ماوه‌ی 2 هه‌فته‌دا زیاتر له‌ 300 ئه‌ندامی پایه‌به‌رزی ئه‌و حزبه‌ی خسته‌ زیندانه‌وه‌.

له‌درێژه‌ی نامه‌که‌یدا ئاماژه‌ به‌وه‌ ده‌کات که‌له‌ئه‌ورپاوه‌ ئێمه‌ چاوه‌ڕی بوین تورکیا که‌هه‌وله‌کانی بخاته‌ گه‌ر بۆ ڕێزگرتن له‌مافی نه‌ته‌وه‌کان و مافی مرۆڤ ،به‌لام تورکیا تائێستا جیاوازی له‌نێوان نه‌ته‌وه‌کان ده‌کات و وه‌ئه‌وتایبه‌تمه‌ندیانه‌ی تیا نیه‌ که‌ببێته‌ ئه‌ندام له‌یه‌کێتی ئه‌ورپا که‌داوای ده‌کات
لله‌کۆتایی نامه‌که‌شی به‌پرسیارێک کۆتایی پێ هێناوه‌ له‌ وه‌زیری ده‌ره‌وه‌ی سوێد ئایا ولاتی سوێد چ رێگایه‌ک ده‌گرێته‌ به‌ر بۆپێشگرتنی ئه‌و مه‌سه‌له‌یه‌ و هه‌لویستی سیاسه‌تی ده‌ره‌وه‌ی سوێد له‌م باره‌وه‌ چیه‌
شایه‌نی باسه‌ له‌ولاتی سوێد هه‌مو ئه‌ندام په‌رله‌مانێک مافی هه‌یه‌ پرسیار له‌سه‌ر سیاسه‌تی ده‌ره‌وه‌ی سوێد بکات و وه‌زیری ده‌ره‌وه‌ی سوێدیش ده‌بێت له‌ماوه‌ی 2 هه‌فته‌دا به‌فه‌رمی وه‌لام بداته‌وه‌ وسیاسه‌تی ره‌سمی ولات به‌یان بکات